«Манчестер Юнайтед»га эгалик қилувчи Глейзерлар оиласи аъзоси, америкалик бизнесмен Аврам Глейзер португалиялик ҳужумчи Криштиану Роналду ҳақида ўз фикрлари билан ўртоқлашди.

"Роналду клубга 16 ёшида қўшилган ва биринчи кунданоқ у машғулотларга биринчи бўлиб келган ва уларни охирги бўлиб тарк этган.

Буюк спортчилар бирон бир сабабга кўра буюк бўлишади, улар зўр бўлиб туғилмайди. Улар кўп меҳнат қилишади ва максимал даражада ўзларини кўрсатишга ҳаракат қилишади. Сиз ҳам қўлингиздан келганича ҳаракат қилишингиз керак.

Сиз бор эътиборингизни ўз ишингизга қаратиб, нимага қодир эканлигингизни ҳаммага кўрсатиб қўйишингиз керак", - деди Глейзер.

Жорий мавсумда Роналду Премьер-лигада 8 та ўйинда майдонга тушиб, 4 та гол урди ва битта голли узатмани амалга оширди.