Испаниялик собиқ футболчи ва мураббий Эусебио Сакристан аввалроқ Аргентина миллий жамоасидаги фаолиятини якунлаган ҳужумчи Лионель Месси ҳақида ўз фикрларини билдирди.
«Менимча, Мессининг асосий камчилиги шундаки, у Мбаппе ва Винисиус каби футболчиларни ҳам майдонда пиёда юриб, кейин битта ҳаракат билан учрашув тақдирини ўзгартириш мумкинлигига ишонтириб қўйди. Аммо бундай қила оладиган ягона футболчи — Лео», — дея Сакристаннинг сўзларини келтирмоқда Footmercato.
39 ёшли Месси 7 октябрь куни Аргентина миллий жамоаси сафидаги хайрлашув учрашувини ўтказди. Унда «альбиселесте» Бенин терма жамоасини 3:0 ҳисобида мағлуб этди. Месси мазкур баҳсда битта гол урди ва иккита голли узатмани амалга оширди.
