«Реал» бош мураббийи Жозе Моуриньо Бразилия терма жамоаси бош мураббийи Карло Анчелоттининг «қироллик клуби» базасига келиб, миллий жамоа футболчилари билан мулоқот қилиш ҳақидаги илтимосига қандай муносабат билдирганини сўзлаб берди.
«Карло — ажойиб инсон. Карло Анчелотти бразилиялик футболчиларни кўриб кетиш учун келишни истаган пайтда, у мендан Вальдебебасга келишга рухсат сўради. У Винисиус билан гаплашмоқчи, Родригонинг ишлари қандай эканини, унинг ривожланиши қай даражада эканини, Милитаонинг тикланиши қандай кечаётганини билмоқчи эди. Ўша пайтда Эндрик ҳам жароҳат олган эди.
Мен унга: “Карло, сен ақлдан оздингми? Мен сендан тўйиб кетдим!” — дедим. Чунки ҳар куни коридордан ўтаман: бу ерда Карлонинг сурати, у ерда ҳам Карлонинг сурати. Мен сендан тўйиб кетдим!» — дея Моуриньонинг сўзларини Corriere dello Sport келтирди.
Анчелотти «Реал»ни 2013–2015 ва 2021–2025 йилларда бошқарган.
