“Sassuolo” hujumchisi Domeniko Berardi “Fiorentina”ga o‘tishga yaqin turibdi. Nikolo Skiraning so‘zlariga ko‘ra, klublar transfer summasi 30 million yevroga kelishib olgan. 

Hujumchining o‘zi “binafsharanglar” lageriga o‘tishga dastlabki rozilik bergan. U mavsumiga 3,5 million yevro maosh bilan 2026 yilgacha shartnoma imzolaydi.

27 yoshli italiyalik hujumchi va “Sassuolo” o‘rtasidagi amaldagi shartnoma 2024 yilgacha mo‘ljallangan. Joriy mavsumda u A seriyada 11 ta o‘yin o‘tkazib, 6 ta gol urdi va 4 ta golli uzatmani amalga oshirdi.