"Arsenal"ning sobiq futbolchisi Pol Merson "MYU" haqida fikr bildirdi. U "Sky Sports"ga shunday deydi:
"Men Sulsher bilan bo‘lgan ishdan afsusdaman. Unda o‘tgan mavsumni ikkinchi o‘rinda yakunlaganidan so‘ng, bu mavsum uchun ham yaxshi rejalar bor edi. Xususan, u Sanchoni uzoq vaqtdan beri olishni istadi va bunga erishdi. Kavani ham jamoaga yordam berish uchun tayyor edi. Ushbu futbolchilarda Sulsherning rejalari aks etardi. Unda hujum uchun variantlar yetarli edi. Kavani, Sancho, Reshford va kerak bo‘lganida Grinvud. Ammo Ronalduning kelishi jamoani butunlay o‘zgartirdi. U Sulsherning rejalarini buzib yubordi. Negaki, Ronalduning kelishi jamoaning qarshi hujumdagi samarali harakatini yo‘qqa chiqarardi va shunday bo‘ldi. Fernandesh ham o‘tgan mavsum yetakchiga aylangandi. Bu mavsumda Ronaldu soyasida qiynalmoqda. Bularning hammasi esa Sulsher chekiga tushdi. U ketdi. Jamoa esa Ronalduni istab emas, balki "Man Siti" olib qo‘ymasligi uchun olib keldi".
