"Арсенал"нинг собиқ футболчиси Пол Мерсон "МЮ" ҳақида фикр билдирди. У "Sky Sports"га шундай дейди:

"Мен Сульшер билан бўлган ишдан афсусдаман. Унда ўтган мавсумни иккинчи ўринда якунлаганидан сўнг, бу мавсум учун ҳам яхши режалар бор эди. Хусусан, у Санчони узоқ вақтдан бери олишни истади ва бунга эришди. Кавани ҳам жамоага ёрдам бериш учун тайёр эди. Ушбу футболчиларда Сульшернинг режалари акс этарди. Унда ҳужум учун вариантлар етарли эди. Кавани, Санчо, Решфорд ва керак бўлганида Гринвуд. Аммо Роналдунинг келиши жамоани бутунлай ўзгартирди. У Сульшернинг режаларини бузиб юборди. Негаки, Роналдунинг келиши жамоанинг қарши ҳужумдаги самарали ҳаракатини йўққа чиқарарди ва шундай бўлди. Фернандеш ҳам ўтган мавсум етакчига айланганди. Бу мавсумда Роналду соясида қийналмоқда. Буларнинг ҳаммаси эса Сульшер чекига тушди. У кетди. Жамоа эса Роналдуни истаб эмас, балки "Ман Сити" олиб қўймаслиги учун олиб келди".