Yevropa Chempionlar ligasida guruh bosqichi 5-turidan o‘rin olgan "Manchester Siti" – "Pari Sen-Jermen" uchrashuviga (2:1) oid qiziqarli statistika va faktlar bilan tanishing.
▪️“PSJ” YECHLning qatorasiga 4 ta safar o‘yinida g‘alaba qozona olmadi — 2 durang, 2 mag‘lubiyat;
▪️“Man Siti” YCHLda ketma-ket 5-mavsum birinchi o‘rin bilan pley-off bosqichiga yo‘l oldi. APL vakillari orasida ushbu formatdagi (2003 yildan keyin) musobaqada faqat “Man Yunayted” bu natijaga erisha olgan;
▪️Kilian Mbappe klub va terma jamoasidagi so‘nggi beshta o‘yinning barchasida gol urdi. Bu oraliqda futbolchi 8ta to‘p kiritishga erishgan;
▪️“Man Siti” o‘yinning birinchi bo‘limda darvoza tomon 11ta zarba berdi, “PSJ” esa 3ta. Mahrezning (4) o‘zi parijliklardan ko‘proq zarba yo‘llagan;
▪️Rahim Sterling YECHLdagi gollari sonini 23taga yetkazib oldi va ingliz futbolchilari orasida Lempardning natijasini takrorladi. Faqat Runi (30) va Skoulzda (24) natija yaxshiroq;
▪️Mbappe (22 yosh-u 339 kun) YECHLdagi 50 o‘yinini o‘tkazdi. Faqat Sesk Fabregas va Iker Kasilyas bu ko‘rsatkichni undan yoshroq vaqtida qayd etgan.
