«Barselona» bosh murabbiyi Xavi Ispaniya chempionatining 15-turi doirasida bo‘lib o‘tgan «Vilyarreal»ga qarshi o‘yin (3:1) borasida o‘z fikrini bildirib o‘tdi.

«Biz ajoyib jamoaga qarshi o‘ynadik va uchrashuv og‘ir o‘tdi. Biz katta tashabbusga ega bo‘lmadik. Ammo o‘yin so‘ngida Memfis Depayning goli va penalti borasida omadimiz chopdi.

Mazkur 3 ochko oltinga teng. Chunki safardagi ilk g‘alabamizni qo‘lga kiritdik. Bundan tashqari, ahvolimiz havas qilarli darajada emasligini inobatga olganda, bu g‘alaba bizga suv va havodek zarur edi. Futbolda omad zarur, ammo «Vilyarreal» mag‘lubiyatga munosib emasdi.

Ba’zi lahzalarda raqib senga nisbatan ustunlikka erishadi. Biz yuqori pressingga moslashishga harakat qildik, ammo ular bu borada bizdan ustun kelishdi», – dedi Xavi.