Ivan Perishich “Inter” bilan shartnomani uzaytirish borasida muhokama olib bormoqda. 32 yoshli xorvatning amaldagi shartnomasi mavsum oxirida yakuniga yetadi. Biroq, yarimhimoyachining faoliyatini davom ettirish uchun boshqa variantlari bor. “Sport1” nashri xabariga ko‘ra, Perishich Angliya Premyer-ligasida o‘ynashi mumkin – “Tottenxem” futbolchi bilan shartnoma imzolash bo‘yicha futbolchiga taklif bilan chiqmoqda. 

London jamoasini o‘tgan mavsumda Ivan Perishich bilan birga ishlagan Antonio Konte boshqardi. Italiyalik murabbiy va xorvatiyalik yarimhimoyachi yaqin kelajakda yana birga ishlashi mumkin.

2021/2022 yilgi mavsumda Ivan Perishich “Inter” safida 17 ta o‘yinda maydonga tushdi. Futbolchi ushbu bahslarda 3 ta gol urdi va sheriklariga 2 ta samarali uzatma berdi.