"Barselona" va "Manchester Siti" sobiq futbolchisi Yaya Ture chorshanba kungi "Tottenxem" mashg‘ulotlarida paydo bo‘lgan.

38 yoshli sobiq futbolchi “shporlar” akademiyasida murabbiylik tajribasini orttirmoqda, deb yozadi "Football London".

Kot-d'Ivuarlik mutaxassis hozirda Londonda istiqomat qiladi va UYEFAning A toifali murabbiylik lisenziyasini olishga harakat qilmoqda. U "Tottenxem" akademiyasi menejeri Din Rastrik va bosh murabbiy Kris Pauell bilan yaqindan hamkorlik qiladi.

"Independent" nashrining aniqlik kiritishicha, Ture haftada bir necha kunni klubda o‘tkazadi. Uning asosiy jamoa mashg‘ulotlariga bevosita aloqasi bo‘lmaydi.

Eslatib o‘tamiz, Ture futbolchilik faoliyatini 2020 yilda yakunlab, Ukrainaning “Olimpik” (Donesk) klubi va Rossiyaning “Axmat” jamoasida murabbiylik lavozimlarida ishlagan.