“Arsenal” “Yuventus” yarimhimoyachisi Deyan Kulushevskini sotib olishga tayyor. 

London klubi 21 yoshli futbolchi uchun 30 million yevro (va yana 5 million turli bonuslar) to‘lashi kutilmoqda, deb xabar beradi “La Repubblica”.

Shu bilan birga, “keksa sinyora” kelishuvdan kamida 40 million yevro foyda ko‘rmoqchi. Shuningdek, futbolchiga “Tottenxem” ham xaridor bo‘lmoqda.

Eslatib o‘tamiz, avvalroq Kulushevskining “Parma”dan “Yuventus”ga o‘tishiga aynan “shporlar”ning amaldagi sport direktori Fabio Paratichi yordam bergan edi.

Joriy mavsumda Kulushevski Turin klubi safida barcha turnirlarda 17 ta o‘yin o‘tkazib, bitta gol va bitta golli uzatmaga mualliflik qilgan.