“Арсенал” “Ювентус” яримҳимоячиси Деян Кулушевскини сотиб олишга тайёр. 

Лондон клуби 21 ёшли футболчи учун 30 миллион евро (ва яна 5 миллион турли бонуслар) тўлаши кутилмоқда, деб хабар беради “La Repubblica”.

Шу билан бирга, “кекса синьора” келишувдан камида 40 миллион евро фойда кўрмоқчи. Шунингдек, футболчига “Тоттенхэм” ҳам харидор бўлмоқда.

Эслатиб ўтамиз, аввалроқ Кулушевскининг “Парма”дан “Ювентус”га ўтишига айнан “шпорлар”нинг амалдаги спорт директори Фабио Паратичи ёрдам берган эди.

Жорий мавсумда Кулушевски Турин клуби сафида барча турнирларда 17 та ўйин ўтказиб, битта гол ва битта голли узатмага муаллифлик қилган.