“Mirror” nashri xabariga ko‘ra, Londonning “Chelsi” klubi rahbariyati “Ayaks” hujumchisi Antoni Mateus dos Santosni qo‘lga kiritish niyatida. 

Qayd etish joiz, 21 yoshli braziliyalik iqtidori tufayli ko‘pincha PSJ hujumchisi Neymarga qiyoslanadi. Qolaversa, mutaxassislar futbolchining kelajagi ajoyib bo‘lishini bashorat qilmoqda.

Joriy mavsum doirasida Antoni 15 ta uchrashuvda qatnashib, 6 ta gol va 4 ta golli uzatma muallifiga aylandi.

Shuni ham ta’kidlaymizki, Kataloniyaning “Barselona” jamoasi ham braziliyalik futbolchiga da’vogarlik qilmoqda, ammo “ko‘k-anorranglilar” “Chelsi”ning moliyaviy taklifidan ko‘proq va’da berishi dargumon.