“Mirror” нашри хабарига кўра, Лондоннинг “Челси” клуби раҳбарияти “Аякс” ҳужумчиси Антони Матеус дос Сантосни қўлга киритиш ниятида.
Қайд этиш жоиз, 21 ёшли бразилиялик иқтидори туфайли кўпинча ПСЖ ҳужумчиси Неймарга қиёсланади. Қолаверса, мутахассислар футболчининг келажаги ажойиб бўлишини башорат қилмоқда.
Жорий мавсум доирасида Антони 15 та учрашувда қатнашиб, 6 та гол ва 4 та голли узатма муаллифига айланди.
Шуни ҳам таъкидлаймизки, Каталониянинг “Барселона” жамоаси ҳам бразилиялик футболчига даъвогарлик қилмоқда, аммо “кўк-анорранглилар” “Челси”нинг молиявий таклифидан кўпроқ ваъда бериши даргумон.
