"Marsel" yarim himoyachisi Bubakar Kamaraga "Nyukasl" va "Manchester Yunayted" qiziqish bildirmoqda, deb xabar beradi ESPN The Athletic nashriga tayanib.
Manbaning xabariga ko‘ra, ikkala klub ham futbolchini yozda erkin agent sifatida o‘z safiga qo‘shib olmoqchi.
Kamaraning "Marsel" bilan shartnomasi 2022 yilning 30 iyuniga qadar amal qiladi.
Avvalroq, 22 yoshli yarim himoyachiga "Barselona" va "Bavariya" klublari qiziqish bildirayotgani haqida xabarlar tarqalgan edi.
2021/22 yilgi mavsumda Kamara “Marsel” safida 19 ta o‘yin o‘tkazib, bitta gol urgan.
