“Manchester Yunayted”da koronavirus infeksiyasining avj olishi davom etmoqda, deb yozadi The Telegraph.

Manbaga ko‘ra, klub xodimlari va futbolchilarida 19 ta koronavirus infeksiyasi aniqlangan. Bemorlar o‘z-o‘zini izolyasiya qilmoqda.

"Manchester Yunayted" Premer-liga rahbariyati bilan "Brayton"ga qarshi 18 tur o‘yinini boshqa muddatga ko‘chirish imkoniyatini muhokama qilmoqda.

Avvalroq, “qizil iblislar” lagerida koronavirus tarqalishi sababli “Brentford”ga qarshi APL 17 tur uchrashuvi qoldirilgandi. Bugun, 15 dekabr kuni xuddi shu sababga ko‘ra, "Byornli" - "Uotford" uchrashuvi nomalum muddatga qoldirildi.