“Tottenxem” hujumchisi Son Xin Min Angliya chempionati doirasidagi yakshanba kuni bo‘lib o‘tgan “Liverpul”ga qarshi o‘yini haqida gapirdi.
“Ular bu yerga kelib, osonlik bilan uch ochko qo‘lga kirita oladilar, deb o‘ylashlarini istamayman. Ulardan uch ochko olishimizni istayman. Bu bizning uyimiz va men ularni dahshatli oqshom o‘tkazishlarini xohlayman”, - dedi Son “Football Daily” nashriga bergan intervyusida
“Tottenxem” – “Liverpul” uchrashuvi 19 dekabr kuni Toshkent vaqti bilan soat 21:30da boshlanadi.
Eslatib o‘tamiz, “Tottenxem”ning barcha turnirlardagi so‘nggi uchta o‘yini koronavirus tarqalishi sababli qoldirilgan edi.
