"Internasional" hujumchisi Yuriy Alberto "Barselona"ga o‘tishi mumkin, deb xabar beradi Mundo Deportivo.

Manba bergan xabarga ko‘ra, futbolchining vakillari uning xizmatlarini Kataloniya klubiga taklif qilishgan. Oldinroq forvard 15-20 million yevro evaziga "Zenit"ga o‘tishga yaqin ekani xabar qilingandi.

Joriy mavsumda 20 yoshli Alberto “Internasional” safida 55 ta o‘yin o‘tkazib, 19 ta gol urdi va 4 ta golli uzatmani amalga oshirdi. Uning klub bilan shartnomasi 2025 yilning yoziga qadar amal qiladi.