Huquqiy jihatdan Angliyaning "Manchester Yunayted" klubiga tegishli bo‘lgan, ayni paytda faoliyatini ijara asosida "Aston Villa" klubida davom ettirayotgan Aksel Tuanzebe Italiyaning "Napoli" klubiga o‘tishi mumkinligi haqida italiyalik jurnalist Fabrisio Romano xabar tarqatmoqda.
Italiya klubi futbolchining yarim yillik ijarasi uchun 400 ming yevro sarflamoqchi. Joriy mavsum 24 yoshli markaziy himoyasi "Aston Villa" tarkibida 11 ta uchrashuvda maydonga tushdi.