Madridning “Real” klubi yarim himoyachisi Toni Kroos kelajagi va klub bilan 2023 yilning yozida tugaydigan shartnomasini uzaytirish haqidagi savollarga javob berdi.
“Shartnomani oxirgi marta yangilashda men ataylab shu muddatni tanladim - uning tugashi vaqtida men 33 yoshda bo‘laman, bu keyingi nima qilish haqida o‘ylash uchun yaxshi yosh.
Men bu haqda o‘ylamayman, klub bilan munosabatlarim yaxshi. Men ularni hech narsaga almashtirmayman va bu munosabat o‘zaro deb o‘ylayman. Faoliyatimni "Real"da yakunlamoqchiman. Ko‘ramiz, bu 2023 yilda bo‘ladimi yoki bir necha yildan keyin.
Men hali ham yaxshi formadaman. Albatta, siz tanangizni tinglashingiz va o‘zgarishlarga moslashingiz kerak. Shuningdek, o‘ynashni davom ettirish uchun sizda xohish bo‘lishi kerak", - deya Kroosning so‘zlarini keltiradi Marca Sky Sport Deuschland nashriga tayanib.
