Turinning "Yuventus" klubi hujumkor yarim himoyachisi Federiko Bernardeski "Inter"ga o‘tishi mumkin, deya xabar beradi "Sport Mediaset".

Manbaning xabariga ko‘ra, milan klubi allaqachon italiyalik uchun "byankoneri"ga rasmiy so‘rov yuborgan. Transfer yanvar oyidayoq amalga oshishi mumkin, chunki Bernandeskining "Yuve" bilan shartnomasi shu mavsum oxirigacha amal qiladi.

Shuningdek, turinliklar futbolchiga maoshi qisqartirilgan yangi shartnoma berishga tayyor.

Ma’lumot o‘rnida, Bernardeski joriy mavsumda 17 ta o‘yinda maydonga tushib, 1 ta gol va 3 ta golli uzatmani amalga oshirdi.