Afsonaviy darvozabon Janluiji Buffon yozda, shartnomasi tugashiga yana bir yil qolganda, «Parma»ni tark etish haqida o‘ylamoqda. Bu haqda SerieBNews nashri xabar bermoqda.
Manba bergan xabarga ko‘ra, darvozabon klubning B seriyadagi o‘rnidan ko‘ngli to‘q emas. «Parma» esa yuqori o‘rinlardan ko‘ra, quyi ligaga tushib ketish zonasiga yaqinroq bo‘lib, turnir jadvalida 13-o‘rinda bormoqda. Buffon katta ehtimol bilan yozda jamoani tark etib, faoliyatini xorijning boshqa jamoasida yakunlashni o‘ylamoqda.
4 kundan keyin 44 yoshga to‘ladigan Buffon joriy mavsum B seriyada 19 ta o‘yinda maydonga tushib, 21 ta gol o‘tkazib yubordi.
