«Tottenxem» yarimhimoyachisi Dele Alli yaqin orada APLning boshqa jamoasiga o‘tishi mumkin. Angliyalik futbolchini «Nyukasl»dan tashqari «Everton» ham ijaraga olishga tayyor. Bu haqda The Telegraph nashri xabar bermoqda.

25 yoshli Alli 2015 yilning fevralida «MK Dons»dan «Tottenxem»ga o‘tgan edi. Alli London jamoasi safida 269 o‘yin o‘tkazib, 67 gol urgan va 61 golga assistentlik qilgan. Dele joriy mavsumda barcha musobaqalarda 18 ta o‘yinda maydonga tushib, 2 ta gol urdi va 1 ta golli uzatmani amalga oshirdi.

Angliyalik yarim himoyachining «Tottenxem» bilan shartnomasi 2024 yilda yakuniga etadi, Transfermarkt futbolchining bozor narxini 25 million yevroga baholagan.