«Тоттенхэм» яримҳимоячиси Деле Алли яқин орада АПЛнинг бошқа жамоасига ўтиши мумкин. Англиялик футболчини «Ньюкасл»дан ташқари «Эвертон» ҳам ижарага олишга тайёр. Бу ҳақда The Telegraph нашри хабар бермоқда.
25 ёшли Алли 2015 йилнинг февралида «МК Донс»дан «Тоттенхэм»га ўтган эди. Алли Лондон жамоаси сафида 269 ўйин ўтказиб, 67 гол урган ва 61 голга ассистентлик қилган. Деле жорий мавсумда барча мусобақаларда 18 та ўйинда майдонга тушиб, 2 та гол урди ва 1 та голли узатмани амалга оширди.
Англиялик ярим ҳимоячининг «Тоттенхэм» билан шартномаси 2024 йилда якунига этади, Трансфермаркт футболчининг бозор нархини 25 миллион еврога баҳолаган.
