«Aston Villa» yarimhimoyachi Filippe Koutinyo bugun Braziliya terma jamoasi safida JCH-2022 saralashida Ekvadorga qarshi o‘yinda (1:1) 33 daqiqa davomida maydonda harakat qildi.
Shu tariqa Koutinyo 471 kun ichida ilk bor Braziliya terma jamoasi libosida maydonga tushdi. Bungacha Felippe so‘nggi bor Braziliya terma jamoasi safida 2020 yil oktabr oyida Peruga qarshi bahsda o‘ynagan edi.
Eslatib o‘tamiz, ushbu bahsda jamoalar 1:1 hisobida durang o‘ynadi. Braziliya terma jamoasining uchrashuvdagi goliga Kazemiro mualliflik qilgan bo‘lsa, maydon egalarining goli Torres hisobiga yozildi.