«Manchester Yunayted» hujumchi Meyson Grinvud bilan bog‘liq vaziyat bo‘yicha yangi bayonot berdi. Eslatib o‘tamiz, «qizil iblislar» futbolchisi polisiya tomonidan so‘roq qilinmoqda.
Grinvud zo‘rlashga urinish va jarohat yetkazishda gumon qilinmoqda. Meyson ustidan arizani uning qiz do‘sti yozgan.
«Biz yana bir bor ta’kidlamoqchimizki, klub zo‘ravonlikning har qanday ko‘rinishini qoralaydi. Grinvud sud qaroriga qadar «Manchester Yunayted» bilan mashg‘ulot o‘tkazmaydi yoki umuman o‘ynamaydi», - deya «Manchester Yunayted»ning yangi bayonotini keltiradi jurnalisti Fabrisio Romano.
