Dortmundning «Borussiya» klubi hujumchisi Erling Xoland yozgi transfer paytida «Real»ga o‘tmaydi.
90min tarqatgan xabarga ko‘ra, "Qirollik klubi" prezidenti Florentino Peres norvegiyalik futbolchiga yozda uni xarid qila olmasligini ma’lum qilgan. Boisi, «Real» asosiy e’tiborni «PSJ» forvardi Kiliana Mbappeni erkin agent sifatida qo‘lga kiritishga qaratadi. Klub ikki nafar yuqori maosh oladigan futbolchini o‘z safida ushlab turishga qodir emas. Peres Xolanddan 2023 yilga qadar «Borussiya»da qolishni so‘ragan.
Eslatib o‘tamiz, "Barselona" prezidenti Joan Laporta 2022 yilning yozida aynan Xolandni sotib olish uchun harakatni boshlab yuborgan. Joriy mavsum yakunida uning shartnomasida 75 million yevro miqdoridagi tovon puli kuchga kiradi.