Belarusda o‘tkazilayotgan "Rivojlanish kubogi" musobaqasida kecha guruh bosqichining so‘nggi tur uchrashuvlari bo‘lib o‘tdi. Rauf Inileev boshqaruvidagi O‘zbekiston o‘smirlar terma jamoasi kecha Gruziyaga qarshi maydonga tushib, 3:0 hisobida g‘alaba qozonishdi.

O‘smirlarimiz guruh bosqichida 2 g‘alaba va 2 mag‘lubiyat qayd etishdi hamda 6 ochko bilan 3-pog‘onani egallashdi. Bugun jamoamiz beshinchi o‘rin uchun Tojikistonga qarshi o‘yinda ishtirok etishadi.

Rivojlanish kubogi. 4-tur
Gruziya U-17 — O‘zbekiston U-17 0:3
Gruziya: Kopaliani, Xarchilava, Narimanidze, Robakidze (Sikoliya, 41), Xachidze (Karayev, 64), Parkadze, Seskladze (Parkinashvili, 56), Chixadze (Gogichaishvili, 41), Magradze (Tabatadze, 56), Alibegashvili, Lordkipanidze
O‘zbekiston: Muratbayev, Hamzayev, Johidov (Omonaliyev, 77), Xayrulayev (Imamov, 55), Komilov, O‘rinboyev (Ortiqov, 61), Hamraboyev (Zaydnurulayev, 77), Ahmadjonov, Ibraimov (Soliyev, 55), Usmonov (Kenjayev, 41), Rejaboyev
Gollar: 0:1 — O‘rinboyev (25), 0:2 — Komilov (64), 0:3 — Soliyev (75)



13 fevral, yakshanba
13:00. Moldova — Minsk (9-o‘rin uchun)
14:00. Qirg‘iziston — Gruziya (7-o‘rin uchun)
15:20. Tojikiston — O‘zbekiston (5-o‘rin uchun)
16:20. Dinamo-Minsk — Belarus U-17 (3-o‘rin uchun)
18:40. Belarus U-17 — Isroil (final)