Bir kunlik hordiqdan so‘ng futbolchilar yana mashg‘ulotlarga qaytdi.

Antaliyadagi bir haftalik yig‘indan so‘ng murabbiylar shtabi kecha futbolchilarga ta’til berdi. Bugun esa, jamoa yana mashg‘ulotlarga qaytdi. Ertalabki mashg‘ulotlar boshlanishidan avval kecha tavallud ayyomini nishonlagan Alfayziy Ne’matov boshmurabbiy Shuhrat Maqsudov va futbolchilar tomonidan o‘ziga xos uslubda tabriklandi.

Bugungi mashg‘ulotlar ikki xil ko‘rinish oldi. Futbolchilar dastavval maydonda shug‘ullangan bo‘lsa, so‘ng “trenajyor zal”da yuklamalar olishdi.