"Barselona" ispaniyalik yarim himoyachi Serxi Roberto bilan amaldagi shartnomani yana ikki yilga uzaytiradi. Bu haqda jurnalist Nikola Skira xabar berdi.
Manbaga ko‘ra, 30 yoshli futbolchining yangi shartnomasi 2024 yilgacha mo‘ljallangan bo‘ladi. Tomonlar o‘rtasidagi avvalgi kelishuv joriy mavsum oxirida yakuniga yetishi kerak.
Ma’lumot uchun, Roberto "Barselona" tarbiyalanuvchisi hisoblanadi. Yarim himoyachi joriy mavsumda La Ligada 9 ta o‘yinda maydonga tushib, 2 ta gol urdi va bitta golli uzatmani amalga oshirdi. Shuningdek, u Chempionlar ligasidagi uchta o‘yinda maylonga tushgan.
