"Barselona" bosh murabbiyi Xavi "Valensiya" (4:1) ustidan La Liganing 25-turidan qo‘lga kiritilgan g‘alabasi haqida fikr bildirdi.
"Juda mamnunman. Futbolchilar va muxlislar uchun xursandman. O‘yinimizda joziba yo‘q edi, lekin biz samarador o‘yin namoyish etdik. Ikkinchi bo‘limda bo‘lgani kabi sabr qilishni o‘rgandik. To‘p uchun kurashga kirishish kerak edi. Birinchi bo‘limni yaxshi o‘tkazdik, raqib bizdan ko‘ra ko‘proq to‘pni nazorat qildi, biz esa sabr qildik. Bizga pauza va xotirjamlik yetishmadi. So‘nggi 12 ta o‘yinni sakkiztasini safarda o‘tkazdik va ijobiy natijalarga erishdik", - Xavining so‘zlaridan iqtibos keltirmoqda Sport.es.