«Atalanta»ning rossiyalik yarim himoyachisi Aleksey Miranchuk va uning ukrainalik jamoadoshi Ruslan Malinovskiy Rossiyaning Ukrainaga uyushtirayotgan hujumidan qattiq ta’sirlanishgan.
Bu haqda Bergamo jamoasi futbolchisi Matteo Pessina Instagramda ma’lum qildi.
«Men bir necha kundan beri bu haqda o‘ylayapman. So‘nggi ikki yil ichida ularning boshdan kechirgan azob-uqubatlardan keyin qanday qilib bu ish sodir bo‘lishi mumkin? Bizda mojaroni yaqqol ko‘rsatib turgan ikki futbolchi bor - Ruslan va Aleksey.
«Malinovskiy - kuchli xarakterga ega yigit. Miranchuk uyatchangroq. Bu voqealar boshlanganda, ular Jingoniyada (klubning mashg‘ulot bazasida) o‘zaro dardlashishdi. Futbolni birlashtiradigan narsa shundaki, u insoniy qirg‘inni barham qilishga harakat qiladi», deb yozadi Pessina.
