Sky Sports nashri xabariga ko‘ra, «Arsenal» yarim himoyachi Bukayo Saka bilan shartnomani uzaytirmoqchi.

Manbaga ko‘ra, «kanonirlar» bosh murabbiyi Mikel Arteta 20 yoshli angliyalikni jamoaning eng muhim o‘yinchilaridan biri sifatida ko‘rmoqda va uni tarkibda saqlab qolmoqchi.

Futbolchi bilan amaldagi kelishuv 2024 yilgacha amal qiladi.

2021/22 yilgi mavsumda Saka «Arsenal» tarkibida 29 ta o‘yinda maydonga tushib, 8 ta gol va 4 ta golli uzatmaga mualliflik qilgan. Yarim himoyachi London klubi tarbiyalanuvchisi hisoblanadi.