«Chelsi» bosh murabbiyi Tomas Tuxel jamoa xo‘jayini Roman Abramovich klubni sotishga qaror qilgani haqida o‘z fikrini bildirdi.

«Hozircha biror narsa deyishga erta. Chunki «Chelsi»ni Roman Abramovich bilan birga tasavvur qilaman. Shu bois, bu men uchun juda og‘ir. Bu hamkorlik bekor qilinishi haqidagi fikr xayolimga kelmadi. Albatta, bu jiddiy o‘zgarish. O‘yindan oldin biz bu haqda gaplashmadik. Futbolchilar internet, televizor orqali, albatta, bu haqda bilib olishdi. Shunga qaramay, biz e’tiborni faqat tayyorgarlikka qaratganmiz», — dedi Tuxel.