Ronald Kuman Lionel Messining «Barselona»dan ketishi haqida gapirdi.
«Raxbariyat mendan ba’zi futbolchilarning ketishiga rozi bo‘lishimni ta’kidladi. Moliyani tartibga solish zarurligini aytishdi. Lekin Lionel Messi ketgach, ko‘p o‘tmay 55 million yevroga kimnidir sotib olganini ko‘rsangiz, u yerda yana nimadir bo‘lganmi, deb o‘ylaysiz. Nega Messi ketishi kerak edi? - dedi «Barselona»ning sobiq murabbiyi Algemeen Dagblad nashriga bergan intervyusida.
Bu qishda «Barselona» «Manchester Siti»dan Ferran Torresni 55 million yevroga sotib oldi. Ma’lum bo‘lishicha, Kataloniya klubi bu summani to‘rt yil davomida bir necha marta bo‘lib to‘laydi va birinchi to‘lov faqat yozda amalga oshiriladi.
