«Real Madrid» kecha Ispaniya La Ligasi doirasida «Real» Sosyedad»ga qarshi maydonga tushib, 4:1 hisobida g‘alaba qozondi. Toni Kroos tizzasidan olgan jarohati tufayli kechagi «Sosyedad»ga qarshi o‘yinda ham maydonga tushmadi. E’tiborli tomoni shundaki, joriy mavsumda klub yarim himoyachisisiz barcha musobaqalarda birorta ham mag‘lubiyatga uchragani yo‘q.

Statistik ma’lumotlar quyidagicha: Kroossiz o‘tkazilgan 10 uchrashuvda «qaymoqranglilar» 8 g‘alaba va 2 durang (g‘alabaning 80%), nemis futbolchisi tarkibda bo‘lgan payt 20 marta g‘alaba qozongan, 4 marta durang va 5 marta mag‘lubiyatga uchragan (69 foiz), deb xabar beradi Opta nashri.

Germaniyalik 32 yoshli markaziy yarim himoyachi madridliklar safida joriy mavsumdagi barcha musobaqalarda 3 ta gol va 3 ta golli uzatmaga amalga oshirgan.