FIFA qarori bilan Ukraina va Shotlandiya terma jamoalari o‘rtasidagi o‘yin iyun oyiga ko‘chirildi.
Ushbu bellashuv 24 mart kuniga belgilangan edi. Biroq, Ukrainadagi siyosiy vaziyat sababli, ushbu bahs iyun oyiga qoldirildi. Bunday qaror Ukraina tomonining 3 mart kuni yuborilgan murojaatini ko‘rib chiqish natijasida qabul qilindi.
Qayd etilishicha, shuningdek, UYEFA Shotlandiya, Uels va Avstriya vakillari bilan maslahatlashuvlardan so‘ng bunday harakat bir ovozdan ma’qullangan.
Shu bilan birga, Uels va Avstriya o‘yini rejalashtirilganidek 24 mart kuni bo‘lib o‘tadi.
