Chempionlar ligasi g‘olibi Rio Ferdinandning fikricha, Aleksis Sanchesning chetlatilishi «Liverpul» va «Inter» (0:1) o‘rtasidagi 1/8 final javob uchrashuvida muhim rol o‘ynadi.
«O‘ylashimcha, Sanchesning chetlatilishi «Inter»ning umidlariga chek qo‘ydi. Milanliklar oxirigacha kurash olib borish uchun qo‘llaridan kelganini qilishdi. Umuman olganda, ikkita o‘yinda ular yaxshiroq o‘ynashdi, deb o‘ylayman.
Ularda shunchaki hujum chizig‘i yo‘q edi - bu jamoaga yetishmayotgan yagona narsa. Agar "Inter" hujumdagi o‘z o‘yinini topsa, u holda, har qanday raqib uchun muammoga aylanadi», - dedi Ferdinand UYEFA matbuot xizmatiga.
