Fransiyaning "Lill" klubi yarim himoyachisi Renatu Sanches Turinning "Yuventus" klubi qiziqish doirasiga tushib qoldi.
24 yoshli portugaliyalik yanvar oyida "Milan" bilan muzokaralar olib borgan, biroq kelishuv amalga oshmagandi. "Rossonerilar" rahbarlari yaqin vaqt ichida transfer muhokamasiga qaytish niyatida, biroq endilikda futbolchiga yana bir italyan grandi "Yuventus" da’vo qilmoqda. Bu haqda jurnalist Janluka Di Marsio xabar bermoqda.
Renatu Sanchesning "Lill" bilan shartnomasi 2023 yilning yoziga qadar tuzilgan, Transfermarkt uni 30 million yevroga baholagan. Joriy mavsumda markaziy yarim himoyachi 24 uchrashuvda 1 ta gol va 5 ta golli uzatmaga mualliflik qildi.
