Франциянинг "Лилль" клуби ярим ҳимоячиси Ренату Санчес Туриннинг "Ювентус" клуби қизиқиш доирасига тушиб қолди.
24 ёшли португалиялик январь ойида "Милан" билан музокаралар олиб борган, бироқ келишув амалга ошмаганди. "Россонерилар" раҳбарлари яқин вақт ичида трансфер муҳокамасига қайтиш ниятида, бироқ эндиликда футболчига яна бир итальян гранди "Ювентус" даъво қилмоқда. Бу ҳақда журналист Жанлука Ди Марсио хабар бермоқда.
Ренату Санчеснинг "Лилль" билан шартномаси 2023 йилнинг ёзига қадар тузилган, Transfermarkt уни 30 миллион еврога баҳолаган. Жорий мавсумда марказий ярим ҳимоячи 24 учрашувда 1 та гол ва 5 та голли узатмага муаллифлик қилди.
