UYEFA Chempionlar ligasida haftaning eng yaxshi futbolchisi nomiga davogarlarni e’lon qildi.
1/8 final javob uchrashuvlari natijalariga ko‘ra, ro‘yxatga to‘rt nafar futbolchi kiritildi.
«Real» hujumchisi Karim Benzema «PSJ»ga qarshi o‘yinda (3:1) xet-trik qayd etdi.
«Manchester Siti» yarim himoyachisi Fernandinyo «Sporting» bilan o‘yinda (0:0) 89 foiz aniq uzatma berdi va 10,74 km masofani bosib o‘tdi.
«Bavariya» hujumchisi Robert Levandovski «Zalsburg»ga qarshi uchrashuvda (7:1) uchta gol urdi va golli uzatmani amalga oshirdi.
«Inter» himoyachisi Milan Shkrinyar «Liverpul» bilan o‘yinda (1:0) 6 marta to‘p uzatishni va 89 foiz aniq uzatmalarni amalga oshirdi.
