Faoliyati davomida taniqli murabbiy nafaqat yaxshi taktik, balki tarkibni kuchaytirish uchun doimo sarmoya kiritishga tayyor inson sifatida ham mashhur bo‘lib, qo‘lga kiritish mumkin bo‘lgan hamma sovrinni yutib chiqdi. Bugun biz portugaliyalikning eng g‘alati (yomon emas) transferlarini to‘pladik.
13. Abdul Raxmon Baba
“Men jamoa bilan o‘ynashni intiqlik bilan kutyapman. Futbol - bu bir kishining o‘yini emas, biz birga o‘ynashimiz kerak», - dedi ganalik chap qanot himoyachisi 2015 yilning avgustida «Chelsi»ga o‘tganidan keyin.
“Mourinyo dunyodagi eng yaxshi murabbiylardan biri va men u bilan ishlashni intiqlik bilan kutaman. Menimcha, u ba’zida kulgili bo‘lishi mumkin, men buni televizorda ko‘rganman, lekin u mehnatsevar va taktik murabbiy" - deganda o‘shanda Abdul Rahmon Baba.
Rahmon o‘zining debyut mavsumida "Chelsi"da 23 o‘yin o‘tkazdi. Premyer-ligada debyut mavsumdan yetti yil o‘tgan bo‘lsa ham, Abdul Rahmon hozirgacha "Chelsi" futbolchisi sanaladi va u hozirda "Reding" jamoasida ijara asosida o‘ynamoqda.
12. Tal Ben-Xaim
Isroillik himoyachi Sem Ellardaysning «Bolton» jamoasida yaxshi o‘yin namoyish etdi, shuning uchun 2007 yilning yozida uning shartnomasi tugagach, unga bir qancha klublar qiziqish bildirishdi.
Mourinyo boshchiligidagi "Chelsi" qolganlarga qaraganda epchilroq bo‘lib chiqdi, garchi ularning safida Jon Terri, Rikardo Karvalyu va Aleks kabi himoyachilar bor bo‘lsada, Mourinyo Ben-Xaimni jamoaga olishga qaror qildi. Keyinchalik ma’lum bo‘lishicha, Joze Talga asosiy tarkibdan joy va’da qilingan.
Keyin Mourinyo 2007 yilning sentyabrida mavsumni yomon boshlaganidan so‘ng "Chelsi"ni tark etib, Ben-Xaymni sharmanda qildi. Jamoaga Avraam Grantning kelishi ham Ben-Xaimga yordam bermadi. Aksincha, ikki yurtdosh o‘rtasida o‘zaro kelishmovchilik yuzaga keldi va Grant futbolchining ikki haftalik maoshini jarimaga tortdi.
"Meni bu yerga olib kelgan Joze edi, uning zaxira futbolchisi bo‘lmasligimga kafolatini men va undan boshqa hech kim bilmaydi. Grant bilan men uchun hech narsa porlamaydi" - degandi Ben-Xaym.
U «Chelsi»da bir mavsum o‘ynadi va bor-yo‘g‘i 13ta o‘yinda maydonga tushdi xolos. "Chelsi" uni sotib olishga muhtoj edimi?
11. Xamit Oltinto‘p
Bu «Real»ning haqiqiy g‘alati transferi edi, chunki, bundan boshqa so‘z yo‘q. Oltinto‘p 2011 yilda 28 yoshida "Bavariya"dan erkin agent sifatida Madridga ko‘chib o‘tgan edi.
Turkiyalik futbolchi klubda bir yil davomida bor-yo‘g‘i beshta o‘yinda maydonga tushganini inobatga olsak, bunga arzimagan degan xulosaga kelish mumkin. Hatto zahiradagi o‘yinchilarga ham pulni ayamaslikka odatlangan klub uchun g‘alati iqtisodiy qaror.
O‘shanda Mourinyo boshchiligidagi "Real" Hamit bilan to‘rt yillik shartnoma imzoladi, ammo bir mavsumdan keyin uni «Galatasaroy»ga sotib yubordi.
10. Radamel Falkao
Bir paytlar Yevropaning eng yaxshi hujumchisi bo‘lgan Radamel Falkao Mourinyo jamoasi bilan shartnoma imzolaganidan so‘ng, umuman o‘ziga o‘xshamay qolgandi. "Manchester Yunayted" Angliyaga umuman o‘rnashib keta olmagan futbolchi bilan shartnoma imzoladi. To‘g‘rirog‘i, Mourinyo uni o‘rinbosar sifatida ko‘rdi. Biroq, Falkao butun boshli chempionatda faqat bitta gol urdi.
9. Muhammad Saloh
Bunday ro‘yxatda sayyoramizning eng yaxshi futbolchilaridan birini ko‘rish g‘alati. Mourinyo 2014 yilning yanvarida Saloh bilan shartnoma imzolagan, biroq uni oradan hech qancha vaqt o‘tmay "Fiorentina" jamoasi ijaraga berib yuborgandi va keyinchalik sotib yuborgandi. "Chelsi" muxlislari Saloh bir paytlar "ko‘klar"ning futbolchisi bo‘lganini dahshat bilan eslashadi va nega portugaliyalik mutaxassis unga ishonmaganini haligacha tushunmaydi. Saloh ayni paytda "Liverpul" tarkibida qanday o‘yin ko‘rsatayotgani Jozeni tushlariga ham kirayotgan bo‘lsa kerak.
8. Xuan Kuardado
Saloh singari Kuadrado ham yanvarda 23 million funtga sotib olindi, biroq bor-yo‘g‘i 13 o‘yindan so‘ng u ijaraga berildi va oxir-oqibat «Yuventus»ga sotib yuborildi. Xuan ayni paytda "Yuventus"ning eng ishonchlik futbolchilaridan biri sanaladi.
7. Filipe Luis
2014 yilda Madridning «Atletiko» klubidan 18 million funt evaziga dunyoning eng yaxshi chap qanot himoyachisini qo‘lga kiritish o‘sha paytda katta muvaffaqiyat bo‘lib tuyulgandi. "Chelsi" Filipeni sotib olganidan keyin, Mourinyo asosiy tarkibda ko‘proq Sezar Aspilikuetani maydonga tushira boshladi.
Luis klubda bor-yo‘g‘i bir yil o‘ynadi va 14 million evaziga «Atletiko»ga qayta sotib yuborildi. Nima maqsadda amalga oshirilgan transfer deb o‘ylaysiz?
6. Irji Yaroshik
"Chelsi" Irji Yaroshikni 2005 yilda Moskvaning SSKA jamoasidan sotib olgandi. Irji yangi jamoasiga ko‘chib o‘tishi bilanoq «Chelsi» safida Liga kubogi finalida asosiy tarkibda maydonga tushdi va Kubokni qo‘lga kiritdi. So‘ngra, "Chelsi" tarkibida Angliya chempionligini qo‘lga kiritdi. Futbolchi yangi jamoasiga ko‘chib o‘tgach, bu darajada tez yutuqlarga erishinini kutmagandi. Keyingi yili esa Yaroshik "Chelsi"ga kerak bo‘lmaydi qoldi va qanday tez kelgan bo‘lsa, shunday tez sotib yuborildi.
5. Jo Xart
Angliyalik tajribali darvozabon bilan shartnoma imzolash mantiqiy g‘oya bo‘lib tuyuldi va Xart 2020 yilda «Tottenxem»ga kelganida hech kim ajablanmadi. Ammo darvozabon klub uchun vatanparvarlik qilmagandi. Hatto «shporlar» Zagrebning «Dinamo» jamoasiga yutqazib, Yevropa ligasidan chiqib ketganidan so‘ng, ijtimoiy tarmoqlarda «ish bajarildi» degan postlar qoldirib, ancha sharmanda qilgandi.
4. Marko Arnautovich
Marko Arnautovich, avvallari «Vest Xem» va «Stok Siti» klublarida o‘ynagan mashhur "yomon" bola, "Inter"da Joze Mourinyo qo‘l ostidagi qisqa muddatli faoliyati tufayli texnik jihatdan Chempionlar ligasi g‘olibi bo‘ldi.
Boshidanoq g‘alati shartnoma tuzildi. Keyinchalik sotish olish sharti bilan «Tvente»dan ijaraga olindi. "Inter"dagi faoliyatining boshidanoq u o‘zini xuddi Krishtianu Ronaldudan kam emasdek tutdi.
«Inter» uni sotib olishga qaror qilgunga qadar A Seriyada atigi uch marta o‘ynadi. Mourinyoning ta’kidlashicha, Arnautovich bilan birinchi marta uchrashganida, Marko o‘zini klubning barcha hujumchilaridan eng yaxshisi deb ta’kidlagan.
O‘sha paytda "Inter" tarkibida Zlatan Ibrahimovich, Ernan Krespo va Adrianolar o‘ynardi. Mourinyo hayratda qoldi va shartnomani bekor qilib, uning bolalarcha xatti-harakatlaridan shikoyat qildi.
«Mario Balotelli uning eng yaxshi do‘sti va ular bir xil xarakterga ega. Bu oson emas»-degandi Joze.
3. Emmanuel Adebayor
2011 yilning yanvar oyida «Real» hujum chizig‘ida inqiroziga uchradi. Gonsalo Iguain jarohat oldi va Mourinyo negadir g‘alati sabablarga ko‘ra Karim Benzemaga ishonmadi.
Klub Miroslav Kloze haqida o‘ylab, Rud van Nistelroyni «Gamburg» jamoasidan muddatdan oldin qaytarib olishga harakat qildi. O‘shanda rahbariyat undan bu ishni qilmaslikni iltimos qilganiga qaramay, Mourinyo Adebayorni «Manchester Siti» klubidan olti oyga ijaraga oldi.
Adebayor unchalik yomon o‘yin ko‘rsatmadi va 22 o‘yinda 8 ta gol urdi, biroq bu Mourinyo uni 15 million funtga sotib olishga ishontirish uchun yetarli bo‘lmadi.
Adebayorga nisbatan Jozening ihlosi balandlik qilgandi, chunki biz haligacha Adebayorni Karim Benzemadan afzal ko‘rganiga ishona olmaymiz.
2. Jedson Fernandesh
Mourinyo «Tottenxem»da uzoq vaqt ishlamadi, ammo 18 oy ichida u ko‘p narsaga erishdi. Misol uchun, Jedson Fernandeshning transferi.
«Benfika»dan ijaraga olingan portugaliyalik futbolchi shunchalik yomon o‘ynadiki, xuddi u birinchi marta futbol o‘ynayotgandek tuyuldi. Olti oydan keyin ijara shartnomasi bekor qilindi. Fernandesh "shporlar" tarkibida 14 o‘yinda maydonga tushdi va bitta ham gol ura olmadi. Ko‘rinib turibdiki, barcha yanvar oylari Fernandeshlar uchun bir xil darajada yaxshi emas.
1. Papi Jiloboji
Jozening eng g‘alati transferi "Chelsi"ni ikkinchi marta boshqarganida sodir bo‘ldi. 2015 yil yozgi transfer oynasining so‘nggi kunida sotib olingan Papi Jiloboji klubga 4 millionga tushdi. Keyinchalik negadir u darhol Chempionlar ligasi uchun ro‘yxatdan chetlashtirib yuborildi.
Papining «ko‘klar» safidagi yagona o‘yini - Liga Kubogida Falkaoning o‘rniga zaxiradan maydonga tushgani bo‘ldi. Uni boshqa hech kim ko‘rmadi. Papi "Chelsi"dan keyin beshta jamoa almashtirdi va hozirgi paytda Turkiyaning "Gaziantep" jamoasida o‘ynab yuribdi.
