Chempionlar ligasi 1/8 finalining javob o‘yinida "Manchester Yunayted" "Atletiko Madrid"ga mag‘lub bo‘ldi va natijada turnirni tark etdi. Ispaniyalik darvozaboni David de Xea qarama-qarshilikning bunday natijasini tabiiy deb hisoblamoqda. Uning fikricha, "Manchester Yunayted" shunchaki g‘alaba qozonish uchun yetarlicha o‘ynamadi – na birinchi, na ikkinchi o‘yinda.

"Bu natijadan barchamiz xafamiz. Buni so‘z bilan ta’riflash qiyin. Ikki o‘yinning hech birida g‘alaba qozonish uchun kuchimiz yetmadi. Biz harakat qildik, so‘nggi daqiqalargacha kurashdik, ammo "Atletiko" bunday vaziyatlarda juda tajribali klub ekanini yana bir bor ko‘rsatib qo‘ydi", — deya ispaniyalik darvozabonning so‘zlarini keltiradi UYEFA rasmiy sayti.