Чемпионлар лигаси 1/8 финалининг жавоб ўйинида "Манчестер Юнайтед" "Атлетико Мадрид"га мағлуб бўлди ва натижада турнирни тарк этди. Испаниялик дарвозабони Давид де Хеа қарама-қаршиликнинг бундай натижасини табиий деб ҳисобламоқда. Унинг фикрича, "Манчестер Юнайтед" шунчаки ғалаба қозониш учун етарлича ўйнамади – на биринчи, на иккинчи ўйинда.
"Бу натижадан барчамиз хафамиз. Буни сўз билан таърифлаш қийин. Икки ўйиннинг ҳеч бирида ғалаба қозониш учун кучимиз етмади. Биз ҳаракат қилдик, сўнгги дақиқаларгача курашдик, аммо "Атлетико" бундай вазиятларда жуда тажрибали клуб эканини яна бир бор кўрсатиб қўйди", — дея испаниялик дарвозабоннинг сўзларини келтиради УЕФА расмий сайти.
