«Real Betis» «Barselona» himoyachisi Serxi Robertoni o‘z safiga qo‘shib olmoqchi. Robertoning Kataloniya klubi bilan shartnomasi shu yozda yakuniga yetadi.
«Barselona» futbolchiga shartnomani uzaytirishni taklif qilgan, biroq Roberto maoshi sezilarli darajada kamaygani sababli buga shoshilmayapti. Oldinroq futbolchiga Madridning «Atletiko» klubi qiziqayotgani xabar qilingandi, biroq klub futbolchi bilan muzokaralarni to‘xtatishga qaror qilgandi.
«Real Betis» Robertoni erkin agent sifatida qo‘lga kiritmoqchi. Bosh murabbiy Manuel Pellegrini «Barselona» futbolchisini o‘ng qanotda Ektor Bellerin o‘rniga ideal o‘rinbosar sifatida ko‘rmoqda.
