«Реал Бетис» «Барселона» ҳимоячиси Серхи Робертони ўз сафига қўшиб олмоқчи. Робертонинг Каталония клуби билан шартномаси шу ёзда якунига етади.
«Барселона» футболчига шартномани узайтиришни таклиф қилган, бироқ Роберто маоши сезиларли даражада камайгани сабабли буга шошилмаяпти. Олдинроқ футболчига Мадриднинг «Атлетико» клуби қизиқаётгани хабар қилинганди, бироқ клуб футболчи билан музокараларни тўхтатишга қарор қилганди.
«Реал Бетис» Робертони эркин агент сифатида қўлга киритмоқчи. Бош мураббий Мануэль Пеллегрини «Барселона» футболчисини ўнг қанотда Эктор Беллерин ўрнига идеал ўринбосар сифатида кўрмоқда.
