Маркус Рэшфорднинг «Манчестер Юнайтед»даги келажаги яна сўроқ остида қолмоқда. Goal хабарига кўра, клуб ҳужумчини Amazon томонидан янги мавсумга бағишлаб суратга олинаётган ҳужжатли сериалда иштирок этишга таклиф қилган.
Форварднинг Amazon лойиҳасига жалб этилиши унинг «Олд Траффорд»да аниқ қолишини англатмайди, аммо мақола муаллифининг фикрича, агар клуб футболчига умуман умид боғламаётган бўлса, бундай қадам бироз эриш кўринади.
«Барселона»даги ижара муддати тугаб қайтганидан сўнг, Рэшфорднинг жамоадан кетиши энг эҳтимолий вариант сифатида кўрилаётган эди. Бироқ манкунианликлар ҳалигача трансфернинг молиявий шартларини бажаришга тайёр бўлган харидор топа олишгани йўқ.
