«Барселона» бош мураббийи Ханс-Дитер Флик мавсум стартига қадар клуб яна бир трансферни амалга ошириши мумкинлигини истисно этмади. Унинг сўзларига кўра, бу бўйича якуний қарор шу ҳафта ичида қабул қилинади.
«Эҳтимол, бизга нимадир етишмаётгандир, буни шу ҳафтада кўриб чиқамиз. Машғулотларда шиддат ва сифат бор, жамоа ўсаётганини кўряпман. Аммо ўтган мавсумдаги даражани сақлаб қолиш учун астойдил меҳнат қилишимиз керак», деди Флик.
Эслатиб ўтамиз, «Барселона» ўртоқлик учрашувида Швейцариянинг «Базель» клубини 5:2 ҳисобида тор-мор этди. Клуб ҳозирда Родри ва Хулиан Альварес трансферлари бўйича музокараларни давом эттирмоқда.
