Европа Чемпионлар Лигасининг 2026/2027-йилги мавсуми умумий босқич 1-туридан ўрин олган навбатдаги учрашув якунланди. Манчестердаги “Олд Траффорд” стадионида Англиянинг “Манчестер Юнайтед” жамоаси Озарбайжоннинг “Сабаҳ” клубини қабул қилди. Франциялик бош ҳакам Вилли Делажо бошқарган учрашув 4:0 ҳисобида мезбонлар фойдасига ҳал бўлди.

Ўйиннинг 27-дақиқасида “Манчестер Юнайтед” ҳужумчиси Матеус Куня ҳисобни очди. 43-дақиқада жамоа сардори Бруну Фернандеш иккинчи голни урди. Орадан икки дақиқа ўтиб, 45-дақиқада Бенямин Шешко учинчи тўпни киритди. Иккинчи бўлимнинг 68-дақиқасида эса ҳимоячи Лисандро Мартинес жамоасининг тўртинчи голига муаллифлик қилиб, ўйиндаги якуний ҳисобни ўрнатди.

Мазкур учрашув “Сабаҳ” клуби учун Чемпионлар Лигасидаги дебют ўйин бўлди. Шунингдек, баҳсда ўзбекистонлик яримҳимоячи Умарали Раҳмоналиев меҳмонлар асосий таркибида майдонга тушди. Раҳмоналиев ўйинда 71 дақиқа ўйнади ва шундан сўнг унинг ўрнига Абдуллоҳ Хайбулаев туширилди. “Sofascore” портали футболчининг ушбу ўйиндаги ҳаракатларини 6.5 баллга баҳолаган.

Маълумот учун, умумий босқичнинг 2-турида “Манчестер Юнайтед” 13 октябрь куни “Атлетико Мадрид” билан, “Сабаҳ” эса худди шу куни Праганинг “Славия” клубига қарши майдонга тушади.

Европа Чемпионлар Лигаси, 1-тур

“Манчестер Юнайтед” — “Сабаҳ” 4:0
Голлар: 1:0 — Куня (27), 2:0 — Фернандеш (43), 3:0 — Шешко (45), 4:0 — Мартинес (68).