38 ёшли ҳужумчи Карим Бензема француз журналистининг уни энг яхши форвардлар қаторидаги ўрни ҳақида билдирган фикрига муносабат билдирди.

Жаҳон чемпионати вақтида l’Esports World Cup лойиҳаси доирасида тарихдаги энг яхши ҳужумчиларни аниқлаш бўйича сўров ўтказилганди. Унда Бензема ўзини болаликдаги кумири Роналдодан кейин иккинчи ўринга қўйди.

Бу фикр L’Équipe телеканали эфирида қизғин муҳокамага сабаб бўлди. Спорт журналисти Йоанн Риу 2022 йилги «Олтин тўп» соҳиби «тарихдаги энг яхши 20 ҳужумчи» қаторига кирмаслигини ва ҳатто топ-30дан ҳам жой олмаслиги мумкинлигини айтди.

Шундан сўнг Бензема L’Équipe’нинг Instagram саҳифасида ушбу муҳокама акс этган видео остида изоҳ қолдирди.

«Сен учун аллақачон жуда кеч, бор ухла, эртага эрта туришинг керак!», — деб ёзди «Реал»нинг собиқ футболчиси.

Бундан ташқари, француз футболчиси #lequipedechèvre хештегини ҳам қўллади. Бу L’Équipe нашри номи билан сўз ўйини бўлиб, француз тилида тахминан «эчкилар жамоаси» деган маънони англатади.

Бензема август ойи охирида «Ал-Ҳилол»ни тарк этганидан сўнг айни пайтда эркин агент мақомида.